煮野食喺某程度上都係好講天分咖，仲記得中學時代嘅摯友上家政堂就搞到爐頭着火，小編企喺附近睇到呆咗。相信大家身邊總係有啲人平時唔入廚房，結果一入廚房就搞到爆炸。唔講唔知，原來「地獄廚神」嘅誕生係同星座有關係咖，快啲嚟睇下與廚房不合嘅三個星座啦！
NO.1 水瓶座
阻礙水瓶座成為廚神嘅其實係佢地嘅創意，因為佢地設計菜色嘅時候太反傳統啦。佢地喜愛炮製用雞翼嚟煲湯呢類創意料理，所以入口嘅時候就會感覺微妙。而水瓶座個人就會認為呢啲組合係無問題嘅，只要啲野係煮熟咗就食得咖啦！
NO.2 處女座
採購同處理食材對於有潔癖嘅處女座絕對係一大挑戰，佢地會認為去街市買餸，再攞返屋企去洗就已經要花唔少時間，搞完一大輪都已經無心情再去研究點煮好一道菜。與其喺屋企忙成日，處女座就會覺得倒不如出街揾餐廳煮好過啦。
NO.3 射手座
射手座通常都無耐性去煮一餐飯，咁就當然唔會特別去研究菜色啦。射手座唔太在乎細節，所以菜式嘅程序只要繁複少少，佢地就會頭痛起嚟。最重要嘅係射手座對走入廚房不太感興趣，無動力就自然難有進步啦。
Tags: Homita占卜師
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
